Willie Winkie

By William Miller William Miller
Wee Willie Winkie
    Rins through the toun,
Up stairs and doun stairs
    In his nicht-gown,
Tirling at the window,
    Crying at the lock,
“Are the weans in their bed,
    For it’s now ten o’clock?
 
“Hey, Willie Winkie,
    Are ye coming ben?
The cat’s singing grey thrums
    To the sleeping hen,
The dog’s spelder’d on the floor,
    And disna gie a cheep,
But here’s a waukrife laddie
    That winna fa’ asleep.”
 
Onything but sleep, you rogue!
    Glow’ring like the moon,
Rattling in an airn jug
    Wi’ an airn spoon,
Rumblin’, tumblin’, round about,
    Crawing like a cock,
Skirlin’ like a kenna-what,
    Wauk’nin’ sleeping folk.
 
“Hey, Willie Winkie –
    The wean’s in a creel!
Wamblin’ aff a body’s knee
    Like a very eel,
Ruggin’ at the cat’s lug,
    Rav’llin’ a’ her thrums –
Hey, Willie Winkie –
    See, there he comes!”
 
Wearied is the mither
    That has a stoorie wean,
A wee stumpie stousie,
    That canna rin his lane.
That has a battle aye wi’ sleep,
    Before he’ll close an e’e –
But a kiss frae aff his rosy lips
    Gies strength anew to me.

Source: The Dorling Kindersley Book of Nursery Rhymes (2000)

Discover this poem’s context and related poetry, articles, and media.

Poet William Miller

SCHOOL / PERIOD Victorian

Subjects Social Commentaries, Cities & Urban Life, Town & Country Life

Poetic Terms Couplet, Nursery Rhymes

Poem Categorization

SUBJECT Social Commentaries, Cities & Urban Life, Town & Country Life

SCHOOL / PERIOD Victorian

Poetic Terms Couplet, Nursery Rhymes

Report a problem with this poem

Originally appeared in Poetry magazine.

This poem has learning resources.

This poem is good for children.

This poem has related video.

This poem has related audio.